Thursday, May 20, 2010

POEM

कविता

खुसीको एउटा संसार

सुवास खनाल


मेरी आमाको आँखामा 

खुसीको संसार अटाउँदो रहेछ
म उनकै अनुहार हेरी हेरी हर्षले पागलझैँ छु

मैले सोचेको पनि थिइन

आँशु बगिरहने उनको गालामा
सीमाहीन छल्किरहेको उमङ्ग
यसरी सुहाउँछ भनेर

मलाई एकनासले 

उनकै अनुहार 
हेरिरहूँजस्तो लागिरहेछ

निभेको जून बास बस्ने

उनको मुहार
पूर्णिमाझैँ खुल्दा 
म हर्षले पागलझैँ छु

मलाई पनि मेरी आमाको आँखासँगै

खुसी बनेर
खुल्न मन लागिरहेछ ।

2 comments:

  1. आमाको बारेमा सुन्दर र साह्रै सुन्दर कविता !

    ReplyDelete
  2. Malai man pareko kabita.

    ReplyDelete