तर्कहरू
सुवास खनाल
जब जन्मिए तर्कहरू
नाश भए शाश्वत सत्यहरू
तपाईलाई लागिरहेको सत्य
मेरो सत्य नहुन सक्छ
तपाईँले देखिरहेको सौन्दर्य
म सर्वाधिक भ्रम मानिरहेको हुनसक्छु
तपाईं हाँसिरहेको क्षण
अर्को कोही रोइरहेको हुनसक्छ
तपाईँले स्वतन्त्रता खोजिरहँदा
म सीमाहरूको परिकल्पनामा हुनसक्छु
सापेक्षिक हुन्छन् रहरहरू
सापेक्षिक हुन्छन् तर्कहरू
महाशय
म शालिकहरूको आँखाबाट पनि आँसु खसिरहेको देख्न सक्छु
महाशय
म आँसु खरिदबिक्रीको वाचाल भाषा पनि बुझ्न सक्छु
तर्कहरू तर्कहरूका लागि मात्र केही होइनन्
तर्कहरू जीवनसँग गाँसिन्छन् र तर्क बन्छन्
सोच्ने गर्छु
तर्कैतर्कका लामहरूबीच
उभिएर एकनाशले
तर्कहरूकै कारण मैले बाँच्नु छ ।
सुवास खनाल
जब जन्मिए तर्कहरू
नाश भए शाश्वत सत्यहरू
तपाईलाई लागिरहेको सत्य
मेरो सत्य नहुन सक्छ
तपाईँले देखिरहेको सौन्दर्य
म सर्वाधिक भ्रम मानिरहेको हुनसक्छु
तपाईं हाँसिरहेको क्षण
अर्को कोही रोइरहेको हुनसक्छ
तपाईँले स्वतन्त्रता खोजिरहँदा
म सीमाहरूको परिकल्पनामा हुनसक्छु
सापेक्षिक हुन्छन् रहरहरू
सापेक्षिक हुन्छन् तर्कहरू
महाशय
म शालिकहरूको आँखाबाट पनि आँसु खसिरहेको देख्न सक्छु
महाशय
म आँसु खरिदबिक्रीको वाचाल भाषा पनि बुझ्न सक्छु
तर्कहरू तर्कहरूका लागि मात्र केही होइनन्
तर्कहरू जीवनसँग गाँसिन्छन् र तर्क बन्छन्
सोच्ने गर्छु
तर्कैतर्कका लामहरूबीच
उभिएर एकनाशले
तर्कहरूकै कारण मैले बाँच्नु छ ।
