गजल

गजल

सुवास खनाल

रुप रङ्ग उही हो नाम फेर्छन् मान्छेहरू
पुज्ने ईश्वर फरक छैन धाम फेर्छन् मान्छेहरू

छलछाम सबैको दिनचर्या बनेको छ
हुने आखिर उही हो काम फेर्छन् मान्छेहरू

झुक्याउन सिपालु छन् हर समय झुक्याउँछन्
लेखिन्छ उही कुरा खाम फेर्छन् मान्छेहरू

अविश्वासी दुनियाँ यो विश्वास रत्तिभर छैन
बेचिन्छ  एउटै वस्तु दाम फेर्छन् मान्छेहरू

तन बेच्छन्, मन बेच्छन् ,बेच्छन् आफन्तजन सारा
बेची आफ्नै गाउँघर ,गाम फेर्छन् मान्छेहरू