कवि: सुवास खनाल एकल कविता साँझ || Full Episode

झरना साहित्य परिवारको आयोजना तथा एन.एस. टेलिभिजनको मिडिया भुमिकामा मकवानपुरे युवा कवि सुवास खनालको एकल कविता साँझ हेटौँडामा सम्पन्न भएको छ । कार्यक्रममा कवि खनालको कविताको विषयमा साहित्यकारहरु निमेश निखिल, निरा शर्मा तथा घनश्याम घिमिरेले टिप्पणी गरेका थिए । न्युज क्लब नेपालमा भएको निकै शसक्त कविता लेख्ने खनाल मकवानपुरमा मात्र नभै नेपालभरनै चर्चामा रहने गरेका छन् । उनका कवितामा समाजमा भएका विविध पक्षहरुको चर्चा हुने गरेको छ । टिप्पणीकारहरुले कवि खनालको कविता निकै शसक्त भएको बताएका थिए । उनीहरुले कवि खनालले कवितामार्फत समाजमा भएका कुरितिलाई खबरदारी गर्ने, समाजको निर्माणमा सहयोगीको भूमिका खेल्ने तथा उत्सहा प्रदान गर्ने गरेको भन्दै खुसी ब्यक्त गरे । स्कुले जीवनबाटनै शसक्त कविता लेखन मार्फत मकवानपुरमानै चर्चा कमाउन सफल भएका कवि खनालले मकवानपुर बाहेक नेपालका अन्य जिल्लामा समेत आफुलाई कविता मार्फत चर्चामा ल्याउन सफल भएका छन् । संभवत उनी मकवानपुरका सबैभन्दा पुरानो तथा चर्चित साहित्य सस्था साहित्य संगमका सबैभन्दा कम उमेरका अध्यक्ष समेत हुन् । #NS_Television #Subas_Khanal #Nepali_Poem विज्ञान विषय लिएर अध्ययन तथा अध्यापन गराउने भएपनि उनको नेपाली साहित्यमा राम्रो दख्खल रहेको उपस्थित अन्य साहित्यकारहरुको भनाई रहेको थियो । कार्यक्रममा बोल्दै प्रमुख अतिथि साहित्यकार तुल्सी थापाले खनालको कविताले समाजको अवस्था बोल्ने बताए । उनले भने : खनालको कविता निकै शसक्त र समाजप्रति जिम्मेवार हुन्छ । उनको कविता निकै उत्कृष्ट तथा शसक्त हुने भएरनै झरीको वावजुत पनि सयौ साहित्यकारहरु न्युज क्लबसम्म कविता सुन्नको लागि आएका थिए । साभार: -खबर ब्रेक #शब्दपथ झरना साहित्यिक परिवार मकवानपुरले हेटौंडामा सुवास खनालको 'एकल कविता साँझ' आयोजना गरेको छ । कार्यक्रममा कवि सुवास खनालले ३ चरणमा १३ वटा कविता वाचन गरेका थिए । खनालद्वारा पहिलो चरणमा वाचित ४ वटा कवितामा साहित्यकार तथा प्राध्यापक निरा शर्मा, दोस्रो चरणमा वाचित ५ वटा कविताहरुमा प्राध्यापक घनश्याम घिमिरे र अन्तिम चरणमा वाचित ४ वटा कविताहरुको समीक्षा साहित्यकार निमेष निखिलले गर्नुभएको थियो । कार्यक्रममा झरना साहित्यिक परिवारका संस्थापक अध्यक्ष रमेशमोहन अधिकारीले कवि सुवास खनालको व्यक्तिगत, पारिवारिक र काव्य जीवनबारे धारणा राख्नुभएको थियो । समीक्षकहरूले खनालका कविताहरूमाथि बोल्दै कविताहरू मौलिक, शासक वर्गलाई व्याङग्य गर्ने, वर्तमान् समाजको जल्दोबल्दो समस्याको उठान गर्ने, नवमार्क्सवादवाट प्रभावित, समस्यालाई चित्रण गरिएको, शोषित पीडितको आवाज बोल्ने, बिम्ब र प्रतीक नयाँ र सही ढङ्गले प्रयोग भएको, गहिरो जीवन दर्शन बोकेको, विद्रोही र व्यङ्ग्यभाव भएको र समकालीन चेतना रहेको भन्दै टिप्पणी गरेका थिए । झरनाका अध्यक्ष दीपक गौतमको सभाध्यक्षतामा भएको कायक्रममा साहित्यकार तुल्सी थापाको प्रमुख आतिथ्यता रहेको थियो भने विभिन्न सङ्घ संस्था तथा वर्गहरूबाट पनि उल्लेख्य उपस्थिति रहेको थियो । कार्यक्रमको सञ्चालन चिरञ्जीवी लामिछानेले गर्नुभएको थियो ।